Shir jaraa’id oo ay fiidnimadii xalay ku qabteen magaalada Garoowe in ka badan 10 Xildhibaan oo ka tirsan Baarlamaanka Maamul-goboleedka Puntland ayaa sheegay inay taageersan yihiin go’aankii ay dhawaan Maxkamadda Dastuuriga ah ku laashay muddo kororsi. Mudanayaashan ayaa ku nuux-nuux saday inay ka soo horjeedaan muddo kordhinta, iyagoo caddeeyay in uu waqtigoodii dhammaaday.
Wakiiladu waxay cadeeyeen inay aaminsan yihiin in la ilaaliyo sharciga, iyagoo caddeeyay xukunka Maxkamadda Dastuuriga ah inuu yahay faragelin sax ah oo ku soo beegantay waqtigeeda. Waxay hoosta ka xariiqeen muhiimadda ay leedahay in la ixtiraamo qaab-dhismeedka sharci ee lagu maamulayo muddada ay xilka hayaan.
Mudadii uu shirku socday ayay mudanayaashu ku cel-celiyeen mowqifkooda ku aaddan in muddo kordhin loo sameeyo baarlamaanka, iyagoo xusay inay horay u diideen wax muddo kororsi ah. Waxay ku adkaysteen, maadaama muddo xileedkoodu si rasmi ah u dhammaaday, aanay hadda ka dib xaq u lahayn inay sii hayaan xilalkooda.
Si kastaba ha ahaatee, iyadoo ay taagan tahay dooddan dastuuriga ah, ayaa haddana waxaa soo ifbaxaya hubanti la’aan arrimaha doorashada Puntland oo marxalado kala duwan soo martay.
HBN NEWS DESK