Wasiirka Maaliyadda Soomaaliya, Biixi Iimaan Cige, ayaa magaalada Addis Ababa ee dalka Itoobiya kaga qeyb galay shirkii 18-aad ee Wasiirada Maaliyadda Geeska Afrika. Sida ay sheegtay warbaahinta Soomaaliya, wasiirradu waxay ka wada hadleen horumarinta dhaqaalaha iyo iskaashiga dhinaca maaliyadda iyo hirgelinta qorshayaasha ganacsiga xorta ah ee ka baxsan xuduudaha dalalka Bariga Afrika.
Ka-qaybgalka Soomaaliya “wuxuu muhiim u yahay maalgashiga iyo rajada dhaqaale ee dalalka Geeska Afrika,” ayuu Cige ku sheegay khudbadii uu ka jeediyay kulanka wasiirrada.
Wasiirka Maaliyadda Itoobiya, Axmed Shide, oo ah guddoomiyaha barnaamijka Geeska Afrika ee sanadkan, ayaa ku ammaanay dowladda Soomaaliya dadaallada deyn cafinta.
Soomaaliya ayaa dhamaadka sanadkan ka faa’iidaysan doonta in deymaha laga cafiyo Sanduuqa Caalamiga ah ee Lacagta Adduunka (IMF) iyo deymaha kale ee dhinacyada badan leh dhamaadka sanadkan, iyadoo dib-u-habaynta lagu kordhinayo cashuur ururinta iyo daah-furnaanta maaliyadeed ay bilaabanayso dhawaan.
HBN NEWS DESK