Wasiirka arrimaha dibadda ee Ukraine Dmytro Kuleba ayaa Isniintii sheegay in uu aaminsan yahay in Maraykanku “uu awoodi doono inuu helo xalalka lagama maarmaanka ah” si uu u sii wado taageerada milatari ee Ukraine.
Isagoo la hadlayay suxufiyiinta oo uu weheliyo madaxa siyaasadda arrimaha dibadda ee Midowga Yurub Josep Borrell, Kuleba ayaa sheegay in Ukraine ay si qoto dheer uga wadahadleen xildhibaannada Dimuqraadiga iyo Jamhuuriga.
Waxa uu ku tilmaamay go’aanka ay sharci-dajiyayaasha Maraykanku kaga xayuubiyeen taageerada dhaqaale ee Ukraine sharciga xannibaadda miisaaniyadda ee la soo saaray Sabtidii si loo soo afjaro xiritaanka dawladda federaalka.
Borrell, oo hogaaminaya kulanka Golaha Arrimaha Dibadda ee Midowga Yurub ee Kyiv, ayaa sheegay inuu sidoo kale rumeysan yahay in la heli doono qaraar lagu sii wado kaalmada Mareykanka ee Ukraine.
Wasiirka arrimaha dibadda ee Faransiiska Catherine Colonna ayaa sheegtay in kulanka lagu qabtay caasimadda Ukraine uu muujinayo taageerada joogtada ah ee Ukraine.
Wasiirka arrimaha dibadda Holland Hanke Bruins Slot ayaa sheegay in Ruushka ay waajib tahay in lagula xisaabtamo gardarada uu ka wado Ukraine, ayna muhiim tahay in Ruushka lagu cadaadiyo cunaqabateyn.
Khudbad uu jeediyay Axaddii, madaxweynaha Ukraine Volodymyr Zelenskyy ayaa sheegay in aysan waxba u dhimi doonin dagaalka uu dalkiisa kula jiro Ruushka.
Madaxweynaha Mareykanka Joe Biden ayaa Axadii ku cadaadiyay Congress-ka inay taageeraan sharciga lagu siinayo gargaar dheeraad ah Ukraine, isagoo sheegay inuu “xanuunsan yahay oo uu ka daalay” siyaasadda xun ee horseeday xiritaanka dowladda ee gargaarka maaliyadeed ee Ukraine.
Codbixintii Aqalka ee todobaadkii la soo dhaafay waxay tilmaantay inay dhici karto dhibaato. Ku dhawaad kala baR xubnaha aqalka Jamhuuriga ayaa u codeeyay in $300 milyan laga xayuubiyo sharciga kharashka difaaca ee lagu tababaro askarta Ukraine laguna soo iibiyo hub. Lacagta ayaa markii dambe si gaar ah loo ansixiyay, laakiin dadka ka soo horjeeda taageerada Ukraine ayaa u dabaaldegay tiradooda sii kordheysa.
HBN NEWS DESK