Soomaaliya ayaa loo ogolaaday inay noqoto xubinta sideedaad ee Bulshada Bariga Afrika, taasoo ka dhigan in la aqbalay ururka.
Ku biiritaanka Muqdisho ee ururka waxaa ansixiyay madaxda gobolka intii uu socday shirkii caadiga ahaa ee 23-aad ee madaxda dowlad goboleedyada oo ka dhacay magaalada Caruusha ee dalka Tanzania, kaddib wada-xaajoodyo guul leh oo socday muddo sannad ku dhow.
Guddoomiyaha xilka ka degaya, Madaxweynaha Burundi Evariste Ndayishimiye ayaa sheegay in madaxda dowlad goboleedyada ay isku raaceen in Soomaaliya ay si rasmi ah uga mid noqoto ururka, kadib shir albaabada u xirnaa oo qaatay in ka badan shan saacadood.
Soomaaliya ayaa markii ugu horeysay sheegtay inay daneyneyso ku biirista EAC sanadkii 2012-kii, balse waxaa loo diiday sababo la xiriira dhibaatooyin gudaha ah oo ay kala kulmayeen Al-Shabaab iyo iyadoo xilligaasi aysan jirin jawi degan oo sharci iyo mid siyaasadeed.
Si kastaba ha ahaatee, rajada Soomaaliya ee ku biiritaanka ururka gobolka ayaa dib u soo cusboonaatay markii Koonfurta Suudaan ay si isku mid ah u dhibaataysan tahay la oggolaaday 2016-kii, iyo markii dambe DRC, oo sidoo kale ay colaado badan ka jiraan xuduudaheeda, 2022.
HBN NEWS DESK