Shaqaalaha Hay’adda Lacagta Adduunka (IMF) ayaa Arbacadii la soo dhaafay heshiis horudhac ah la gaaray Soomaaliya kaas oo ogolaanaya in la sii daayo 100 milyan oo Doollar oo maalgelin ah oo hoos imanaysa barnaamij cusub oo 36 bilood ah oo deyn ah, sida uu sanduuqu sheegay.
Waxa loogu yeero heshiiska heerka-shaqaale ee hoos yimaada Facility Credit Extended (ECF) waxay ku xiran tahay ansixinta guddiga maaliyadda. Waa in la caawiyo hay’adaha dhaqaalaha Soomaaliya si ay u dejiyaan siyaasadaha marka ay gaarto heerka ay ku gaari karto in deymaha laga cafiyo iyada oo la raacayo barnaamijka dhameystirka dalalka deymaha badan leh ee sanduuqa, ee loogu talagalay December.
“Si kastaba ha ahaatee, inkastoo horumarka la gaaray, Soomaaliya waxaa horyaalla caqabado waaweyn oo ay ka mid yihiin kuwa ka imaanaya dhaqaale, bulsho, amni, iyo khataraha cimilada,” Laura Jaramillo, oo madax u ah koox dib u eegis ku sameysay Soomaaliya ayaa hadal ay soo saartay ku sheegtay.
Dowladda Soomaaliya ayaa tan iyo sannadkii 2006-dii dagaal xooggan kula jirtay kooxda Al-shabaab, ururkaan oo doonaya in ay xukunka ka tuuraan dowladda ayaa si joogto ah u fulinaysay weerarro iyo qaraxyo oo ay sidoo kale la beegsato ciidamada nabad ilaalinta ee dowladda taageera.
Dalka ayaa sidoo kale sanadihii lasoo dhaafay waxaa soo maray abaaro iyo fatahaado sababay in kumanaan qof ay ku barakacaan.
HBN NEWS DESK