Golaha Wasiirada ee Xukuumada Federaalka Soomaaliya ayaa maalinta berri ah yeelanaya kulan deg deg ah oo looga hadlayo heshiiskii kala saxiixdeen Itoobiya iyo Maamulka Somaliland ee ku aaddan in Itoobiya ay Somaliland ka heleyso bad iyo saldhig ciidan deegaannada mamaulkaas.
Ra’iisul Wasaare Xamsa Cabdi Barre ayaa ku baaqay in kulanka degdega ah looga hadlo go’aamo la xiriira heshiiskaas oo qeyb ka mid ah Badda Cas lagu wareejinayo Itoobiya. Tallaabadan ayaa loo arkaa mid xad-gudub ku ah madax-bannaanida Soomaaliya oo ay ku kacayso dowladda Itoobiya.
Heshiiska is-afgaradka (MoU) ee la saxeexay intii uu Madaxweyne Muuse Biixi Cabdi ku maqnaa dalka Itoobiya ayaa ujeeddadiisu tahay sidii loo sugi lahaa marinka badda iyo kala-duwanaanshaha dekedaha. Heshiiska ayaa sii kordhiyey xiisadda, iyadoo la tixgelinayo sheegashada Somaliland ee ah inay ka go’day Soomaaliya.
Iyadoo Golaha Wasiirada ay isugu imaanayaan si wax looga qabto arrintaan xasaasiga ah, ayaa la filayaa in natiijada shirka deg deg ah ay qaabeeyaan jawaabta Soomaaliya ee heshiiska iyo saameynta uu ku yeelan karo dhaqdhaqaaqyada gobolka.
HBN NEWS DESK