Madaxweyne Xasan Sheekh Maxamuud ayaa shir-gudoomiyay kulan xasaasi ah oo ay yeesheen Guddiga Amniga Qaranka, kaasoo diiradda lagu saarayay xoojinta dadaallada ka dhanka ah kooxda Al-Shabaab.
Kulanka oo ay ka soo qeyb galeen mas’uuliyiin muhiim ah oo ay ka mid yihiin Ra’iisul Wasaaraha, Ra’iisul Wasaare ku xigeenka, Wasiirada Gaashaandhigga iyo Amniga Gudaha, Arrimaha Gudaha, Taliyaha Ciidanka Xoogga Dalka, Taliyaha Hay’adda Nabad Sugidda iyo Sirdoonka Qaranka, ayaa ujeedkiisu ahaa sidii kor loogu qaadi lahaa wada shaqeynta laamaha amniga.
Guddiga ayaa u dabaaldegay guusha laga gaaray wajigii hore ee howlgallada, waxaana ay ka wada hadleen qorshaha shirka amniga Soomaaliya ee dhowaan ka dhacaya magaalada New York, shirka New York ee looga hadlayo amniga Soomaaliya ayaa ahaa mid diiradda lagu saarayo, iyadoo si faahfaahsan loo soo bandhigay qorsheyaasha ku aaddan munaasabaddan muhiimka ah oo ay si wadajir ah u soo qabanqaabiyeen dowladda Federaalka Soomaaliya, Qaramada Midoobay iyo Midowga Afrika.
Kulanka ayaa hoosta ka xarriiqay sida ay uga go’an tahay dardargelinta duullaanka ka dhanka ah Al-Shabaab, iyadoo la xoojinayo ballan-qaadka ah in si guud wax looga qabto caqabadaha amniga.
HBN NEWS DESK