Qaramada Midoobay ayaa war ka soo Saartay roobab iyo Fatahaado xooggan oo ku dhuftay Soomaaliya kuwaas oo sababay dhimasho, barakac iyo xaalad bini aadanimo.
Warbixin ay soo saaray QM ayey kaga hadashay Xaaladda Fatahaadaha Soomaaliya taas saameeyn culus dhalisay gaar ahaan waxay diirada Saareen Hirshabelle iyo Jubbaland.
Daadad ka dhashay Roobabkii Guga ee ka da’ay ayaa sababay khasaare dhimasho iyo dhaawacba leh gaar ahaan degmooyinka Beled Weyne, Hirshabeelle, iyo Baardheere oo ka tirsan Jubbaland; guryihii iyo dhul-beereedkii oo qarqiyey, xoolihii la dhaqay, si ku-meel-gaar ah iskuullada iyo xarumaha caafimaadka loo xiray, waddooyinka oo burburay.
Wada-hawlgalayaasha ayaa xaqiijinaya tirada dadka ay dhibaatadu saameysey, laakiin qiyaasaha hore ayaa muujinaya in daadadka iyo fatahaadda webiyada ee Soomaaliya oo dhan ay saameeyeen ugu yaraan gaarayan 460,470 qof, kuwaas oo ku dhawaad 219,000 ka mid ah ay ka barakaceen guryahoodii inta badan meelaha ay fatahaaduhu saameeyeen, waxaana ku dhintay 22 qof.
Wabiga Shabeelle ayaa buux dhaafiyay qararka, isagoo ku fatahay magaalada Beled Weyne iyo tuulooyinka hoos yimaada. Kumanaan qof ayaa lagu qasbay inay guryahooda ka tagaan oo ay u guuraan meelo sare.
Maamulka Dowlad Goboleedka Hirshabeelle ayaa soo saaray baaq deg deg ah oo ku aadan in gurmad loo fidiyo dadka dhibaateysan.
Roobabka socda ayaa la filayaa in ay dib u buuxiyaan ilaha biyaha oogada oo awood u siinaya in dhirtu dib u soo cusboonaato, laakiin waxa ay u baahan doontaa roobab badan oo si wax ku ool ah u yareeya saamaynta abaartii dhawaan dhacday.
Wada-hawlgalayaasha waxay fulinayaan Qorshaha U-diyaargarowga iyo Ka-jawaabista Daadadka ee heer Qaran laakiin waxay u baahan doonaan maalgelin degdeg ah si loo daboolo baahiyaha sii kordhaya. Laga bilaabo Maajo 10, Qorshaha Ka jawaabista Bani’aadamnimada ee 2023 waxa la maalgeliyay kaliya 25 boqolkiiba.
Warbixintaan ayaa ku soo aadeyso Xilli deegaannada dhowr ah ay saameyn ku yeesheen Roobabkii da’ay iyo Fatahaado aan Culus oo ka dhacay deegaannada uu mari Wabiga Shabeelle gaar ahaan Gobolka Hiiraan iyo Shabeelada Dhexe.
HBN News Desk