Kulanka oo ahaa mid xasaasi ah ayaa waxaa isugu yimid Madaxweyne Siciid Cabdullaahi Deni, Madaxweyne ku xigeenka Axmed Cilmi Cismaan Karaash iyo Afhayeenka Baarlamaanka Cabdirashiid Yuusuf Jibriil Cawl si ay uga wada hadlaan khilaafka siyaasadeed ee ka taagan hannaanka doorashada Puntland.
Qaraarkan oo ay si weyn u dhexdhexaadiyeen Madaxweynihii hore iyo Senator Cabdiraxmaan Maxamed Faroole ayaa lagu adkeeyey heshiisyadii muhiimka ahaa.
Guddiga Madaxweynaha ee ansixinta iyo xalinta khilaafaadka Baarlamaanka waxba iskama bedeli doonaan, sida uu magacaabay. Sidoo kale, waxaa la go’aamiyay in Baarlamaanka 6-aad ee soo socda uu ku dhaqmo hab-raaca uu dejiyo Baarlamaanka 5-aad oo ku eg 31-ka December 2023-ka.
Heshiiskan ayaa muujinaya tallaabo muhiim ah oo loo qaaday maaraynta khilaafka gudaha, iyadoo madaxdu kula dardaarmeen guddiga xallinta khilaafaadka iyo ansixinta xubnaha golaha wakiillada inay si hufan oo dhexdhexaadnimo ah u gutaan waajibaadkooda shaqo.
Waxaa xusid mudan in musharixiintii ka soo horjeeday guddiga ay wada hadal la yeesheen xubnahooda, iyagoo ugu dambeyn la isla gartay in guddiga uu u shaqeeyo si hufan oo waafaqsan shuruucda doorashada.
HBN NEWS DESK