Madaxweynaha Somaliland ayaa isku shaandheyn ku sameeyay xukuumadiisa, waana isbedelkii ugu weynaa tan iyo markii uu xilka qabtay lix sano ka hor. Dib-u-habaynta ayaa waxay isugu jiraan xil ka qaadis iyo magacaabis xilalka muhiimka ah ee wasaaradaha.
Waxaa xilalkii laga qaaday, Wasiirka Beeraha C/qaadir Iimaan Warsame, Wasiirka Isgaarsiinta Cabdiweli Sh. Cabdillaahi Suufi Jibriil, Wasiirka Diinta iyo Awqaafta Cabdirisaaq Xuseen Cali Albaani, iyo Wasiirka Maalgashiga Cabdi Cismaan Cabdulle Dhaga-Weyne.
Madaxwaynuhu waxa uu booskooda u magacaabay shaqsiyaad cusub, waxaana ka mid ah: Axmed Yuusuf Idiris Cawaale oo loo magacaabay wasiirka isgaarsiinta, Axmed Aadan Axmed Buuxane oo loo magacaabay wasiirka waxbarashada, Axmed Maxamed Diiriye oo loo magacaabay. Wasiirka Qorshaynta, Cabdirisaaq Ibraahim Maxamed oo loo magacaabay Wasiirka Maalgashiga, Cali Xasan Maxamed oo ahaa Wasiirka Warfaafinta, Saleebaan Yuusuf Cali Koore oo ahaa Wasiirka Biyaha, Maxamed Xaaji Aadan Cilmi waxa laga dhigay Wasiirka Diinta iyo Awqaafta. .
Dib u habeyntu kuma koobna oo keliya beddelka wasiirrada; Naasir Muxamed Xasan Buuni, Afhayeenka Xisbiga Kulmiye, ayaa loo magacaabay Wasiirka Wasaaradda Xiriirka Goleyaasha iyo Arrimaha Dastuurka, taasi oo ka tarjumaysa isbedel weyn oo dhinaca Xukuumadda ah.
Isku shaandhayntan ballaaran ayaa soo jeedinaysa in dib-u-habayn istiraatijiyad ah lagu sameeyo mudnaan-siyaasadeed ee maamulka dhexdiisa, iyadoo Madaxweynuhu ujeedkiisu yahay inuu maamulka u jiheeyo caqabadaha siyaasadeed ee isa soo taraya.
HBN NEWS DESK