22-musharax oo u taagan xilka madaxweynaha iyo madaxweyne ku xigeenka maamul goboleedka Puntland ayaa maanta oo Axad ah khudbadahooda ololaha doorashada ka jeedin doona kalfadhiga baarlamaanka ee Garoowe.
Maanta oo Axad ah ayaa lagu wadaa in magaalada Garoowe ay dhacdo hadal heyn xasaasi ah, oo dhinacyadu ku soo bandhigayaan wax-qabadkoodu xilka madaxtinimo, iyadoo dhammaan musharixiinta ay xildhibaanada u sheegeen in ay aqbali doonaan natiijada doorashada.
Dadka siyaasadda falanqeeya ayaa rumeysan in Madaxweynaha hadda xilka haya, Saciid Cabdullaahi Deni, ay macquul tahay inuu soo laabto, maadaama uu saameyn ku yeelanayo hannaanka doorashada baarlamaanka cusub. Waxaa kal-hore lagu eedeeyay inuu sameeyay faragelin ku saabsan xulista baarlamaanka cusub, eeddaas ayaa taagneed inta aanan xal laga gaarin.
Xildhibaanada cusub ayaa Khamiistii u doortay C/risaaq Axmed Saciid Faarax in uu noqdo guddoomiyaha cusub, kaddib markii ay helay 37 cod wareegii koowaad ee doorashada, taasoo ku qasabtay saddexda musharax ee kale inay ka tanaasulaan doorashada.
Guddoomiyaha cusub oo horay u soo noqday guddoomiyaha guddiga doorashada Puntland, ayaa lagu tiriyaa inuu ka mid yahay xubnaha ugu dhow dhow madaxweyne Deni. Inkastoo musharixiinta ay ka soo horjeesteen, haddana waxay taageereen guddoomiyaha cusub.
HBN NEWS DESK