Kumanaan dibad-baxayaal ah ayaa isugu soo baxay caasimadda Niger ee Niamey mudaaharaadyadii ugu dambeeyay ee looga soo horjeedo joogitaanka ciidamada Faransiiska ee dalkaan ku yaalla galbeedka Afrika, kaas noo millatarigu ay xilka ka tuureen madaxweynihii la doortay muddo bil ka hor.
Muuqaalo laga soo duubay bulshada ayaa muujinayay dibad baxayaasha oo ku dhawaaqaya erayo ka dhan ah Faransiiska, maalmo kadib markii maamulka militarigu uu ku dhawaaqay in uu dalka ka eryay safiirkii Faransiiska u fadhiyay. “Ciidanka Faransiisku waa in ay ka baxaan dalkeenna,” ayaa lagu qoray boorar ay haysteem dibadbaxayaasha meel u dhow saldhigga Faransiiska ee Niamey.
3-dii Agoosto, hoggaamiyeyaasha millatariga Niger ayaa ku dhawaaqay in ay baabi’iyeen heshiisyadii milatari ee ay la galeen Faransiiska, go’aanka Paris ayaa la burburiyay, oo ay ku sheegeen sharci la’aan.
Maamulka militariga ayaa amar ku bixiyay in dalka laga eryo safiirka Faransiiska Sylvain Itte khamiistii.
Ka dib hadal uu jeediyay madaxweyne Emmanuel Macron oo uu ku ammaanay geesinimada Itte – kaas oo diiday 48-saacadood ee kama dambaysta ah in uu uga baxo dalka ku yaal Galbeedka Afrika. Macron wuxuu diiday maamulka militariga ee Niger.
Milateriga Faransiiska ayaa ka digay inay ka jawaabi doonaan haddii xiisad kasta oo soo cusboonaato ay bartilmaameedsato xaruntooda militari iyo diblumaasiyadeed ee Niger, halkaasoo ay ku sugan yihiin ku dhawaad 1,500 oo askari oo Faransiis ah oo qeyb ka ah ciidamada gobolka.
Dalka Niger ayaa 26-kii bishii July waxaa ka dhacay qalalaase kadib markii Gen. Abdourahamane Tchiani oo ahaa taliyihii hore ee ilaalada madaxtooyada uu hogaaminayay faragelin militari oo xilka looga tuuray madaxweyne Maxamed Bazoum.
HBN NEWS DESK