Ugu yaraan, 1037 qof ayaa ku dhintay dhulgariir xooggan oo ku dhuftay Morocco , kaasoo sababay burbur weyn iyo argagax ka dhacay Marrakech oo ah goobta loo dalxiis tago ee Marocco iyo magaalooyin kale oo badan, sida lagu sheegay warbixin cusub oo rasmi ah.
Xarunta Morocco ee Cilmi-baarista Sayniska iyo Farsamada (CNRST) ayaa sheegtay in xudunta dhulgariirka uu noqday mid sii baahay, waana kii ugu xumaa ee ka dhaca dalkaas.
Dhul gariirkan waxaa sidoo kale ku dhaawacmay 672, 205 ka mid ah ayaa xaaladoodu aad u liidataa, sida lagu sheegay qoraal ka soo baxay Wasaaradda Arrimaha Gudaha. Tiradii hore waxay ahayd 632 dhimasho iyo 329 dhaawac ah.
Kani waa dhulgariirkii ugu xooganaa ee ku dhaca boqortooyada ilaa iyo hadda.Sida laga soo xigtay sawiro ay daabaceen warbaahinta iyo baraha bulshada iyo dad goob joogayaal ah, dhulgariirku wuxuu geystay khasaare baaxad leh oo ka dhacay magaalooyin dhowr ah.
Sawirro la soo qaaday ayaa muujinaya qayb ka mid ah minaarada oo ku duntay fagaaraha caanka ah ee Jemaa el-Fna, oo ah wadnaha wadnaha magaalada Marrakech.
Weriye ka tirsan wakaaladda wararka ee AFP ayaa arkay boqollaal qof oo ku qulqulaya fagaaraha caanka ah ee magaalada si ay gabaad uga dhigtaan cabsi ay ka qabaan dhulgariir kale. Qaar baa bustayaal haystay, qaarna sagxada dhulka ayay seexdeen.
February 24, 2004, dhulgariir cabirkiisu dhan yahay 6.4 ayaa ku dhuftay gobolka Al Hoceima, oo 400 km waqooyi bari kaga beegan Rabat, waxaana ku dhintay 628 qof.
29kii Febraayo 1960, dhulgariir cabirkiisu ahaa 5.7 ayaa ku dhuftay Agadir, oo ku yaal xeebta galbeed ee dalka, waxaana ku dhintay ku dhawaad 15,000 oo qof – saddex meelood meel dadka magaalada.
HBN NEWS DESK