Guddoomiye ku xigeenka seddexaad xisbiga Kulmiye ee talada Somaliland haya Xuseen Aadan Cadde, ayaa ka soo baxay xisbigiisa iyo guud ahaan waxbarashada Somaliland. Go’aanka Cadde ee ku biiritaanka ururka Khaatumo ee SSC ayaa Shaaciyey mar uu waraysi gaar ah siiyey warbaahinta, isagoo ku sugan magaalada Laascaanood.
Cadde oo u muujiyay sida uu uga xun yahay halka ay marayso xaaladda Somaliland, waxa uu ku tilmaamay mid qabyaaladaysan sida uu hadalka u dhigay.
Sidoo kale, Cadde waxa uu sawiray dareenka dadka reer Laascaanood, isaga oo ku sifeeyay mawqifkooda ka dhanka ah Somaliland taasoo muujinaysa isbeddelka muuqda iyo hab-dhaqanka bulshada deegaanka ayuu sheegay
Goosashadan lama filaanka ah ayaa keenaysa su’aalo la iska weydiinayo isbedellada muuqda ee Somaliland iyo aragtiyada ka iman kara xisbiga talada haya. La jaanqaadka Cadde ee ku aaddan SSC Khaatumo, u doodidiisa danaha Sool, Sanaag, iyo Cayn (SSC), ayaa weji cusub ku soo kordhinaya xiisadaha gobolka.
Dhowr jeer oo hore masuuliyiin ka tirsan xukuumadda muuse Biixi ayaa si lama filaan ah ugu soo wareegay dhinaca maamulka SSC khaatumo, kuwaas oo sheegay in ay ka baxeen siyaasadda Somaliland.
HBN NEWS DESK