Muqdisho (Hbnonlinetv)- Dab xooggan oo ka kacay Magaalada Muqdisho saakay ayaa bur-buriyay Goobo Ganacsi oo kuyaalla Suuq Bacaad oo ah Suuqa labaad ee ug weyn Soomaaliya, kaas oo kuyaalla degmada Yaaqshiid ee Gobolkan Banaadir.
Dabka ayaa ku faafay Goobo Gacansi oo kala duwan taas oo sababatay in Khasaaraha uu sii xoogeysto, dad badan ayaa ku hanti waayay kuwaas oo gabi ahaanba ah ay ka gubteen Meheradihii Gacansiga.
Ilaa 15 goobood ayaa gubatay, kuwaas oo iskugu jiray dukaamo kala duwan, oo lagu iibinaayay Badeecooyin kala duwan, dadka qaar oo la hadlay warbaahinta ayaa sheegay in uu soo gaaray khasaaro baaxad leh.
Ugu dambeyn waxaa lagu guuleystay in dambka la damiyo, iyadoo saacado badan uu suuqa gubanaayay, waxana ku soo baxay dadweyne kala duwan iyo Gawaarida dab-damiska ee Magaalada muqdisho.