In ka badan hal sano ayaa laga joogaa markii uu si rasmi ah loo soo afjaray dagaalkii lagu hoobtay ee Tigrayga. Laakin hadda, gobolka Tigray ee Itoobiya waxaa ka taagan masiibo bini’aadantinimo.
Tuulada Atsibi ee bariga Tigray, ayaa kamid ah goobaha ugu daran oo xaaladda ugu adag ay ka jirto, taasoo laqa soo warinyo in dadkii ku noolaa ay ku sugan yihiin nolol aad u daran, isla markaana laga cxabsi qabo in ay ka dhacdo dhimasho musiibo ah. Sidoo kale waxaa jiraan gobolo iyo deegaano kale oo ku jiro xaalad adag.
Waqooyiga Itoobiya ayaa waxaa hareeyay cunto yari ba’an tan iyo markii uu billowday dagaalka Tigray-ga bishii November 2020. Marka laga soo tago colaadda – oo ay ku dhinteen ku dhawaad 600,000 oo qof – Ayaxa iyo abaarta Geeska Afrika ayaa sii xumeeyay dhibaatada. .
Inta badan dagaalka, gobolka waxa uu ku jiray go’doomin, kaas oo si wax ku ool ah u joojiyay gargaarkii bini’aadminimo, macluul daran ayaa meesha ka dhalatay.
Macaluul ayaa hadda si baahsan uga jirta ugu yaraan 12 degmo oo Tigray ah. Qeybo badan oo ka mid ah degmada Atsbi Wenberta ayaa waxaa guray wabiyaal iyo meelo kale oo biyo ah, iyadoo ay la socdaan ilo cunto ah. Sida laga soo xigtay maamulka degmada, 111 qof ayaa gaajo ugu dhintay saddexdii bilood ee la soo dhaafay. Degmo kale oo u dhow oo lagu magacaabo Abergele, mas’uuliyiinta deegaanka ayaa sheegay in 76 qof ay ku dhinteen.
HBN NEWS DESK