Si loo xoojiyo beeralayda, korna loogu qaado haqab-beelka cuntada dalka, waxay Dowladda Federaalka Soomaaliya u qoondeysay lacag dhan 2 milyan oo Doollarka Mareykanka ah si loogu maalgeliyo Hindisaha Soo-kabashada ee loo soo gaabiyo (SSSRI). Dawladdu waxay qaadaysaa tillaabooyin muhiim ah oo lagu xoojinayo nidaamka bixinta abuurka qaranka iyo caawinta beeralayda, iyo la qabsiga saamaynta isbeddelka cimilada.
SSSRI, oo ay hormuud ka tahay Wasaaradda Beeraha iyo Waraabka, waa barnaamij laba sano ah oo uu maalgeliyo Bangiga Adduunka oo uu maalgeliyo Mashruuca Soo-kabashada Dhibaatada Soomaaliya (SCRP). Hindisaha waxaa looga golleeyahay in lagu wanaajiyo wax soo saarka dalka, iyada oo loo marayo dadaallo la isku dubariday oo u dhexeeya MoAI, Kooxda Nidaamka Seed, ganacsiga gaarka loo leeyahay, shirkadaha abuurka Soomaalida, iyo beeralayda dalka oo dhan.
Wasiiru dowlaha Wasaaradda Beeraha Asad C\risaaq oo kulanka soo qaban qaabiyay ayaa yiri “HSSRI waxay muujineysaa muhiimadda aan u leenahay abuuritaanka iskaashi dhexmara dowladda iyo ganacsiga gaarka loo leeyahay oo horumariya nolosha miyiga sanadaha soo socda”. Shan shirkadood oo hormuud ka ah abuurka ayaa loo doortay inay helaan tababaro iyo deeqo lagu balaarinayo wax soo saarka iyo suuqgeynta noocyada abuurka ee abaarta u adkeysan kara.
Marka la dhammeeyo mashruuca, in ka badan 100,000 qoys oo beeralay ah ayaa tijaabin doona noocyo cusub oo dhulkooda ah. Waxa la filayaa in qaar badan oo ka mid ah beeralaydaasi ay markaas ku qanci doonaan faa’iidooyinka noocyada abuur cusub si ay tiro badan uga iibsadaan shirkadaha abuurka. Noocyada dalagga ee guuleysta iyo kuwa ganacsi ahaan loo heli karo waxaa lagu dari doonaa buug-gacmeedka abuur ee qaranka kaasoo si ballaaran loo suuqgeyn doono.
HBN NEWS DESK