Howlgalka Midowga Afrika ee AMISOM ayaa sheegay in ciidamadooda ay kulan la qaateen mas’uuliyiinta guddiga amniga ee dowlad goboleedka Jubaland, kaasi oo looga hadlay sidii loo sugi lahaa amniga iyo daryeelka bulshada deegaanka.
Howlgalka Midowga Afrika ayaa sheegay in kulanka dhamaadkii todobaadka sidoo kale looga hadlay qatarta Al-Shabaab iyo sidii looga hortagi lahaa dhaq dhaqaaqyada Al Shabaab ay ka wadaan deegaanada dhaca xadka Kenya.
Intii uu socday kulanka, ATMIS-ka iyo mas’uuliyiinta guddiga amniga ee deegaanka ayaa sidoo kale isku raacay in la sameeyo guddi-hawleed loo xilsaaray diyaarinta qorshe dhammaystiran oo looga hortagayo dhibaatooyinka roobabka Elnino ee sida weyn loo sugayo ee billaaban doona bishan. Oktoobar.
Hindisahani waxa uu waafaqsan yahay ujeeddada istaraatiijiyadeed ee ATMIS ee ah in lagu taageero ciidamada amniga Soomaaliya si ay uga wada shaqeeyaan xarumaha mudnaanta leh iyo ilaalinta bulshada deegaanka.
Qeybta Labaad oo fadhigeedu yahay magaalada Dhoobleey ee ku taalla xuduudka ay wadaagaan Soomaaliya iyo Kenya ayaa waxaa mas’uul ka ah ciidamada Kenya ee loo yaqaan KDF.
Mas’uuliyiinta guddiga amniga deegaanka ayaa ku ammaanay ciidamada ATMIS doorka ay ka qaateen taageerada ciidamada Soomaaliya si ay u difaacaan deegaanka inkastoo ay hanjabaado kala kulmeen maleeshiyada Al-Shabaab.
HBN NEWS DESK