Talaabadan ayaa sii kordhin karta xiisada u dhaxeysa mucaaradka Puntland, baarlamaanka Puntland ayaa isku diyaarinaya inuu ansixiyo sharciga dib u habeynta doorashada maalinta Isniinta ah ee 20-ka November, kaasoo ay mas’uul ka yihiin guddiga doorashada. Hindise sharciyeedka shalay loo gudbiyay baarlamaanka ayaa qeexaya qorshaha doorashada ee dhamaadka bisha February, iyadoo madaxweynaha iyo baarlamaanka ay si toos ah u dooranayaan shacabka Puntland.
Golaha Musharixiinta ayaa digniin culus u jeediyay baarlamaanka, iyagoo ka digay falalka keeni kara qalqal amni. Waxa ay sheegeen in tallaabo kasta oo loo arko in lagu horumarinayo hamiga siyaasadeed ee Madaxweyne Deni lala xisaabtami doono. Arrintan ayaa kusoo beegmaysa iyadoo bishii June ee sannadkan ay magaalada Garoowe ku dhinteen in ka badan 30-qof, kaddib markii ay xiisad ka dhalatay go’aankii baarlamaanka ee ku saabsanaa dib-u-eegista dastuurka iyo wax ka bedelka qodobbada qaarkood.
Mucaaradka ayaa qeylo dhaan ka soo yeereysa mar kale, iyaga oo ka cabsi qaba in tallaabooyinka soo socda ee baarlamaanka ay mugdi gelin karaan doorashada soo socota ee la qorsheeyay inay dhacdo 8-da Janaayo 2024. Iyadoo Puntland ay ku jirto marxaladda xasaasiga ah, dadka ay khuseyso ayaa si dhow ula socda dhacdooyinka dhacaya, iyagoo maskaxda ku haya dheelitirka loo baahan yahay, si loo xaqiijiyo hannaan doorasho oo deggan oo hufan.
HBN NEWS DESK