Si loo xoojiyo xiriirka labada dal, Sarreeye Gaas Ibraahim Sheekh Muxuyidiin, Taliyaha Ciidanka Xoogga Dalka Soomaaliyeed, aya magaalada Dooxa kula kulmay Sarreeye Guuto Salem Bin Hamad Al Aqeel Al Nabit, Taliyaha Guud ee Ciidanka Xoogga Dalka Qatar. Kulanka ayaa ahaa mid diirada lagu saarayay sidii loo horumarin lahaa iskaashiga dhanka ciidamada ah ee Soomaaliya iyo Qatar.
Intii uu socday wadahadalka, labada dhinac waxay sahamiyeen habab qoto dheer oo iskaashi ah oo ku saabsan “qeybaha kala duwan ee difaaca iyo amniga.”
Kulanka ayaa ahaa madal la isku dhaafsanayay aragtiyo ku saabsan caqabadaha amniga gobolka iyo raadinta fursadaha qorshayaasha wadajirka ah ee wax looga qabanayo tabashooyinka la wadaago.
Wadashaqeynta ka dhaxeysa labada dal waxay ka tarjumaysaa sida ay Soomaaliya iyo Qatar uga go’an tahay xoojinta xiriirkooda istiraatiijiyadeed iyo horumarinta kalsoonida labada dhinac. Mudnaanta koowaad ee iskaashiga milatariga, labada dal waxay higsanayaan in ay kor u qaadaan awooddooda difaaca oo ay gacan ka geystaan nabadda iyo xasilloonida gobolka.
Qatar ayaa si firfircoon uga qeyb qaadatay bixinta tababarada iyo caawinta ciidamada Soomaaliya, iyadoo sii xoojineysa xiriirka labada dal.
HBN NEWS DESK