Lix ka mid ah shaqaalaha gargaarka ayaa naftooda ku waayey, halka 18 kalena lagu dhaawacay Soomaaliya 2023-kii, sida ay sheegtay hay’adda bini’aadantinimada ee Qaramada Midoobay.
Xafiiska Qaramada Midoobay ee isku xirka arrimaha bini’aadantinimada (OCHA) ayaa soo saaray warbixinteeda sanadlaha ah ee gargaarka bini’aadantinimo ee dalka, taasoo ay sheegtay in sanadka 2023 ay hoosta ka xariiqday caqabadaha ay la kulmaan shaqaalaha gargaarka bini’aadantinimo si ay si badbaado leh uga shaqeeyaan xaalada taagan.
Sida laga soo xigtay OCHA, kiisaska xadgudubyada ka dhanka ah shaqaalaha bini’aadantinimada, hantida iyo xarumaha ayaa kordhay marka loo eego sanadkii hore, iyadoo 47 shil la soo sheegay 2023 marka la barbar dhigo 37 dhacdo 2022.
Warbixintu waxay xustay in gargaarka bini’aadantinimo uu weli yahay mid adag sanadka 2023-ka, iyadoo guud ahaan Soomaaliya laga soo sheegay 376 shil oo gaar ah. Iyadoo tani ay ka dhigan tahay hoos u dhac weyn marka loo eego 656 dhacdo ee 2022, warbixintu waxay hoos u dhacan ku tilmaantay howlgallada militari iyo iskahorimaadyada socda ee carqaladeynaya howlaha bani’aadanimo 27 ayaa la soo sheegay 2023 marka la barbar dhigo 515 ee 2022.
HBN NEWS DSESK