Madaxweyne ku xigeenka Somaliland, Cabdiraxmaan Cabdilaahi Ismaaciil Saylici, ayaa dhaliilay xeerka doorashooyinka ee ay golaha guurtidu ansixiyeen Sabtidii, waxaanu sheegay inuu dhaawac ku yahay midnimada iyo wada jirka Somaliland.
Madaxweyne ku xigeenku waxa uu walaac ka muujiyay in golaha guurtidu ansixiyeen xeer u adeegaya dano gaar ah oo aan ahayn danta guud ee Somaliland, waxaa uu hoosta ka xariiqay in loo baahan yahay xeer dhammaan bulshada maamulkaas wax u tari kara.
Saylici iyo masuuliyiinta kale ee ka soo jeeda gobolka Awdal ayaa ku gacan seyray in ururadu helaan 20% codadka gobol kasta si uu xisbi buuxa u noqdo. Taa beddelkeeda, waxay u ololeeyaan ururrada si ay u guuleystaan iyagoo ku saleysan aqlabiyad 50+1.
Xukuumadda Somaliland iyo xisbiga UCID waxay labaduba taageersan yihiin ururrada siyaasadda inay ku guulaystaan aqlabiyadda 50+1. Dhinaca kale xisbiga wadani iyo ururka Kaah ayaa lagu eedeeyay inay u ololeeyeen qodobka dhigaya in ururadu helaan 20% codadka guud ee gobol walba.
HBN NEWS DESK