Dowladda Federaalka oo kaashaneysa saaxiibadeeda caalamiga ah ayaa duqeyn kale oo qorsheysan fulisay magaalada Galhareeri ee gobolka Galgaduud ee Soomaaliya.
Hawlgalkan wadajirka ah ayaa tilmaamaya tallaabo istiraatijiyadeed oo loogu talagalay in lagu burburiyo meelaha ay ku xooggan yihiin kooxda iyo in lagu xakameeyo dhaq-dhaqaaqyada ay ka wadaan deegaannada maamulka Galmudug.
Weerarkan cirka ah oo dhacay muddo shan maalmood gudahood ah tan iyo markii uu howlgalkii hore dhacay, ayaa waxay hoosta ka xariiqday go’aanka joogtada ah ee dowladda Soomaaliya iyo xulafadeeda ay kaga hortagayaan khatarta Al-Shabaab. Gobolka Galgaduud oo loo yaqaano in uu yahay deegaan ay ku badan yihiin Al-Shabaab ayaa udub dhexaad u ahaa dadaalladan la isku duba riday ee lagu wiiqanayo awooda kooxda iyo in la carqaladeeyo howlgalladooda.
Duqeymahan oo u dambeeyay ayaa daba socda howlgalo xooggan oo ka dhan ah Al-Shabaab, gaar ahaan gobollada ay kooxdaasi ku xooggan tahay. Duqeymo hore oo ka dhacay Galhareeri ayay dowladdu sheegtay in lagu soo afjaray ugu yaraan 30 xubnood oo ka tirsan Al-shabaab, kuwaasoo qaarkood magacyadooda oo dhameystiran lagu sheegay iyo inay ka tirsan yihiin ururka.
Dadaallada socda ee looga hortagayo Al-Shabaab ayaa ka dhigan in dowladda Soomaaliya iyo xulafadeeda ay wadaan dadaallo lagu soo celinayo xasilloonida iyo amniga gobolka. Iyadoo duqeymaha cirka ay u adeegaan sida qayb muhiim ah oo ka mid ah istaraatiijiyada ka hortagga Al shabaab, mas’uuliyiintu waxay carrabka ku adkeeyaan muhiimadda ay leedahay habab dhammaystiran oo ka kooban ururinta sirta, ka-qaybgalka bulshada, iyo dhisidda awoodda si si wax ku ool ah loola dagaallamo.
HBN NEWS DESK