Kulanka oo ahay mid aanan caadi aheyn ayaa waxaa shir guddoomiyay Guddoomiyaha Golaha Shacabka Sheekh Aadan Maxamed Nuur (Madoobe) kaasoo uu dalbaday Madaxweynaha Soomaaliyqa, isuguna yeeray Xildhibaannada Labada Aqal.
Madaxweynaha oo khudbad u jeediyay mudanayaasha Labada Aqal ayaa ka warbixiyay xaalada guud ee dalka iyo guulaha diblomaasiyadeed e horay loo qaaday, ayaa waxaa uu sidoo kale ka hadlay Heshiiska Difaaca iyo Dhaqaalaha ee ay wada galeen Dowladda Federaalka Soomaaliya iyo Jamhuuriyadda Turkiga. Heshiiskan ayaa Madaxweynaha Xildhibaannada labada aqal ugu sheegay in uu ka hortag u yahay xaalufinta kheyraadka badda oo muddo ka badan 30 sano dayacnaa, iyo horumarinta dhaqaalaha dalka.
Hadalka madaxweynaha kadib, xilidhaannada Labada Aqal ee baarlamaanka Soomaaliya ayaa dood ka yeeshay oo gudo galay kulanka, iyada oo dhanka kale uu hishiiskaan ka war bixiyay Wasiirka Difaaca Cabdiqaadir Maxamed Nuur, ayaa hoosta ka xariiqay in muhiimad gaar ah uu leeyahay ilaalinta midnimada, iyo wadajirka Soomaaliya, shacab iyo dowladba.
Labada Aqalka ee baarlamaanka Soomaaliya ayaa si wadajir u ansixiyeen heshiiska difaaca ee labada dowladood, waxaana ogolaaday, 213 mudane, waxaa nadiiday 3 Xildhibaan, manajiraan wax ka aamusay. Guddoomiye Sheekh Aadan Madoobe ayaa ku dhawaaqay in heshiiskan uu ansax yahay, oo soo xiray kulanka ayaa sheegay maanta laga bilaabo uu sharci yahay.
Hishiiskaan ayaa ku soo aadaya iyada maanta goor hore Golaha Wasiirrada ee xukuumadda federaalka Soomaaliya, ay ansixiyeen heshiiskan, isla markaana ku tilmaameen inuu yahay mid taariikhi ah oo ay dowladda Soomaaliya la gashay Dowladda Turkiga.
HBN NEWS DESK