Wasaaradda Arrimaha Dibadda ee Itoobiya ayaa ku eedeysay masuuliyiin Masaar ah oo aan la magacaabin inay sameeyeen hadallo kacsan iyo hanjabaado si qarsoodi ah u taabanaya Mashruuca Biyo-xireenka dalkooda iyo hiigsiga Itoobiya ee helitaanka Badda Cas, taasoo loo arkay fariin uga soo horjeedda xiriirka militeri ee u dhexeeya Soomaaliya iyo xukuumadda Qaahira.
Bayaanka adag ee ay soo saartay Wasaaradda ayaa lagu sheegay in hadalladan ay muujinayaan qaab iska soo horjeed ah oo ka imanaya Qaahira, isla markaana ay yihiin isku dayo lagu cadaadinayo Itoobiya, xilli xasaasi ah oo loogu talagalay xasilloonida gobolka.
Bayaanku wuxuu intaa ku daray in mowqifka Masar uu hadda noqday mid “si cad loo fahmi karo,” iyadoo lagu tilmaamay in Qaahira aysan waligeed si dhab ah ugu heellanayn wada-hadallada, inkasta oo ay si dadweyne u sheegtay sannado badan inay taageersan tahay wada-xaajoodka.
Sida ku cad bayaanka Itoobiya, Masar si joogto ah ayay u carqaladeysay horumarka macno leh ee wada-hadallada iyadoo iska dhigaysa sida hadalka u dhigtay mid iskaashi samaynaysa.
Itoobiya ayaa ku adkaysatay inay ka go’an tahay wada-hadallo nabdoon, hase yeeshee waxay sheegtay inaysan ka cabsan doonin hadallada ay u aragto inay ka hor imanayaan xuquuqdeeda madaxbannaan.
Hbn Online Tv