Ugu yaraan 7 qof ayaa ku geeriyootay tiro kalena waa ay ku dhaawacantay shil gaadiid oo naxdin leh oo maqribnimadii caawa ka dhacay magaalada Muqdisho.
Shilkan ayaa yimid ka dib markii baabuur N3 ah oo siday Kunteener uu ku dul dhacay gaari caasi ah ama Mini Bus oo marayay isgoyska Jubba, sida ay sheegayaan dad goob joogayaal ah.
Dadka gaariga baska ah saarnaa ayaa la sheegay in ay dhamaantood ay noqdeen kuwa dhintay iyo ku dhaawacmay, waxaana halkaasi ka socda gurmadka loo fidinayo dadka dhaawaca ah iyo kuwa geeriyooday oo goobta oo laga qaaday.
Ma jiro wax war ah oo ka soo baxay maamulka Gobolka Banaadir oo ku aadan shilkan naxdinta leh, iyadoo dadku sheegayaan in gawaarida xamuulka ah ee dekada ka soo baxa si xad dhaaf ah loo soo raro, maadaama aanay jirin cid ka hortagaysa ama ilaalinaysa bad qabka wadooyinka oo arimahaasi u taagan.
HBN Online TV