Midowga Yurub ayaa go’aamiyay in la xadido bixinta fiisaha muwaadiniinta Itoobiya, sababo la xiriira iskaashi la’aanta dowladda Itoobiya ee dib u celinta dadka sharci darrada ku jooga, Golaha Midowga Yurub ayaa Isniintii sheegay.
Talaabadan ayaa timid iyadoo dowladaha Yurub ay isku dayayaan inay wax ka qabtaan qaxootiga ka imaanaya wadamada ay colaaduhu aafeeyeen ee Afrika, doonayana inay Yurub ka galaan marino halis ah oo mara badda Mediterranean-ka, oo inta badan ay abaabulaan kooxaha wax tahariibiya.
Horaantii bishaan, sharci-dejiyeyaasha Yurub ayaa ansixiyay nidaamka socdaalka oo dib u habeyn lagu sameeyay.
Xarunta siyaasadda ee taageerta Midowga Yurub ayaa sheegtay in tani ay hoos u dhigayso tirada muhaajiriinta aan sharciga haysan, iyagoo doonaya inay joojiyaan faa’iidooyinkooda ka hor doorashooyinka baarlamaanka ee ururka ee bisha June.
HBN NEWS DESK