Natiijadii ugu horreysay ee codbixintii madaxtinimo ee Senegal ayaa soo jeedinaysa in musharraxa mucaaradka Bassirou Diomaye Faye ayaa ku guuleystay cod aqlabiyad leh, inkastoo murashaxa isbahaysiga talada haya uu sheegay in loo baahan yahay wareeg labaad oo codbixin ah si loo go’aamiyo cidda guulaysanaysa. .
Taageerayaasha mucaaradka ayaa ku dabaaldegay waddooyinka magaalada caasimadda ah ee Dakar Axaddii ka dib markii warbaahinta maxalliga ah ay bilaabeen inay ku dhawaaqaan codadka goobaha codbixinta ee Faye, oo 44 jir ah, uu si raaxo leh uga horreeyo ninka la tartamayay Amadou Ba.
Natiijooyinka rasmiga ah ayaa la filayaa in ay ku dhawaaqdo maxkamadda racfaanka ee magaalada Dakar Jimcaha.
Ba ayaa bayaan uu soo saaray gelinkii dambe ee Axadii ku sheegay in dabaaldega guusha Faye ay ahayd mid lagu degdegay, natiijada rasmiga ahna ay muujinayso in loo baahan yahay wareeg labaad oo codbixin ah.
HBN NEWS DESK