Hay’adda Warbaahinta Israa’iil ayaa ka soo xigatay masuuliyiin sare oo Israa’iiliyiin ah in burburka xukunka Bashar al-Assad uu yahay isbeddel weyn oo saameyn ku yeelan kara xaqiiqada Bariga Dhexe, iyaga oo tilmaamay in askarta xukuumadda Suuriya ay ku jiraan firxad ballaaran, sida hadalka ay u dhigeen.
Sidoo kale, ilo-wareedyadaas ayaa intaas ku daray in Tel Aviv ay isu diyaarinayso burburka buuxa ee xukuumadda Assad, maadaama saraakiisha Israa’iil ay ka hadleen inay la socdaan firxad ballaaran oo ay sameynayaan ciidamada xukuumadda ee ku sugan Suuriya oo dhan.
Saraakiisha Israa’iil waxay sheegeen in xukuumadda Assad ay lumisay gacanta ku haynta xuduudda Israa’iil, taas oo hadda ku dhow inay si buuxda ugu jirto gacanta xoogagga mucaaradka.
Waxay sidoo kale sheegeen in Xisbullaahi ay Suuriya u dirtay ciidan kooban, laakiin, sida ay sheegeen, aysan awoodi doonin inay caawiyaan Bashar Assad. Ilo-wareedyo dhinaca ammaanka Israa’iil ah ayaa sheegay inaysan arkin faragelin dhab ah oo ka imanaysa Iiran, Ruushka ama Xisbullaahi oo ku lug leh arrimaha Suuriya.
Sidaas oo kale, wargeyska Maariv ayaa soo xigtay ilo-wareedyo ka tirsan sirdoonka Israa’iil oo sheegay in suurtogalnimada weyn ee dhicitaanka xukuumadda Suuriya ee Dimishiq ay kor u kacday kaddib horumarka lama filaanka ah ee xoogagga mucaaradka hubaysan.
Wargeyska The Jerusalem Post ayaa soo wariyay in, tallaabo aan caadi ahayn oo ciidamada Israa’iil ay ku dhawaaqeen in ay ku xoojiyeen ciidamo dhulka iyo cirka ah oo ay geyeen Buuraha Golan.
Wargeysku wuxuu sharaxay in tani ay timid kadib sababo la xiriira iskahorimaadyada gudaha ee ka socda Suuriya, isaga oo sheegay in ciidamada Israa’iil ee ku sugan xuduudda oo la socda xaaladda iyagoo sheegeen inay diyaar u yihiin dhammaan xaaladaha weerar iyo difaacba.
Sidoo kale, ciidamada Israa’iil ayaa Jimcihii weeraray bakhaarro hub kiimiko ah oo ku yaal Suuriya. Kanaalka 12-aad ee Israa’iil ayaa sheegay in weerarka lagu qaaday bakhaarradan hubka ay sabab u ahayd “cabsi laga qabo in xoogagga mucaaradku ay helaan halkaas.”
HBN ONLINE TV