Dowladda Soomaaliya iyo Hay’adaha Samafalka ayaa si deg deg ah u xoojiyay gurmadka si loo dhimo khasaaraha ka dhashay roobabkii da’ay, fatahaadaha iyo fatahaadda webiyada, kuwaas oo saameeyay ugu yaraan 743,000 oo qof oo ku nool guud ahaan Soomaaliya, lana gaarsiiyay noocyo kala duwan oo gargaar ah gargaarka, Qaramada Midoobay sida sheegtay.
Dhul-beereed aad u badan ayaa baaba’ay, waxaa burburay hanti iyo kaabayaashii dhaqaalaha, sida ay sheegtay xafiiska isku xirka bini’aadantinimada ee Qaramada Midoobay OCHA, iyadoo intaa ku dartay in hay’adaha gargaarka ay wadaan abaabul doomo si ay halkaasi uga guuraan qoysaskii ku go’doomay daadku.
“Waxaa socda dadaallo lagu doonayo in biyaha looga saaro dugsiyada, balse mas’uuliyiinta ayaa codsanaya in la taageero,” OCHA ayaa ku tiri warbixinteedii ugu dambeysay ee fatahaadda.
Sida ay sheegtay hay’addu roobab xooggan iyo daadad ayaa ku fiday deegaanno badan oo Soomaaliya ka tirsan, iyadoo 33 ka mid ah 74-ta degmo ee Soomaaliya ay hadda fatahaaddu ka dhacday marka loo eego 21-kii toddobaad ee lasoo dhaafay.
HBN NEWS DESK