Wararka laga helayo deegaanka Shangeed ee hoostaga Ceyn ayaa sheegaya in dagaal culus uu hada ka bilowday, kaasi oo u dhexeeya Somaliland iyo maamulka SSC-Khaatumo.
Xogaha hordhaca ah ayaa sheegaya in dagaalka oo bilowday gabal dhicii maanta uu aad u sii xoogeysanayo.
Lama oga khasaaraha dhabta ah ee ka dhashay dagaalka u dhexeeya Somaliland iyo Maamulka SSC-Khaatumo oo dhimasho iyo dhaawac inuu ka dhashay ay soo sheegeen ilo lagu kalsoonaa karo oo deegaanka ah.
Deegaanka lagu dagaalamayo ee Shangeed ayaa waxaa gacanta ku hayey Ciidamada Maamulka SSC-Khaatumo ee gobolka ceyn.
Horaantii bishii November ee sanadkan waxaa deegaaka ka dhacay dagaal u dhexeeyey Ciidamada Maamulka SSC-Khaatumo iyo Somaliland, kaasi oo Khaatumo ku eedeysay dhanka kale inuu weerar ku soo ekeeyey fariisimo ay ku lahaayeen deegaanka Shangeed, inkasta oo aan khasaaraha xiligaasi la sii deyn.
Isha ku haay HBN ONLINE TV