Banaanbax ballaaran oo ka dhan ah aqoonsiga Israel siisay Somaliland ayaa caawa ka bilowday magaalada Muqdisho, waxaana ka qayb qaadanaya dhalinyaro aad u tiro badan, iyadoo warbaahinta si toos ah u tabinayso.
Dadka mudaharaadka dhigaya ayaa sheegay in aanay marnaba taageersanayn kala go’a dhulka Soomaaliya iyo faragelinta Israa’iil ee arrimaha gudaha ee dalka. Waxay si cad u adkeeyeen in shacabka Soomaaliyeed aysan marna kala go’i doonin.
Sidoo kale, mudaharaadayaasha ayaa wata boorar ay ku qoran yihiin hal-ku-dhegyo muujinaya diidmo buuxda iyo taageero midnimada Soomaaliya.
Banaanbaxan ayaa ku soo aadaya xilli ay si weyn u taagan tahay diidmada shacabka ee ku aaddan aqoonsiga Israa’iil ee Somaliland.
HBN ONLINE TV