Puntland oo faahfaahin ka bixisay Duqeymo ka dhacay galabta buuraha Calmiskaad ayaa sheegtay in lagu beegsaday xaruntii kaydka hubka Daacish iyo gaadiidka, iyadoo halkaasi lagu dilay sida hadalka ay u dhigtay xubnihi ku sugnaa ee kooxda.
Duqeynta 1-aad oo Puntland sheegtay inay kala kaashatay Dowladda Imaaraadka Carabta ayey tilmaantay in lagu beegsaday Boholaha Xankookib oo u dhow deegaanka Dhasaan ee Buuralayda Cal-miskaad.
“waxaa la gubay kaydkii hubka Argagixisada iyo gaadiid, iyadoo lagu dilay halkaasi xubnihii ku sugnaa ee ka tirsana” ayaa lagu yiri warka ka soo baxay Ciidamada Puntland.
Sidoo kale, duqeymo 2-aad oo ay fulisay Dowladda Maraykanka oo laba ahaa ayey Puntland sheegtay inay lagu bartilmaameedsaday goobo Daacish ay ku laheyd deegaanka Darar-Madoobe ee Calmiskaad, taasi oo lagu dilay 12 kooxda ah oo ay ku jireyn xubno sare.
Puntland waxay uga mahadcelisay Imaaraadka kaalintii ay ku lahaayeen duqeynta goobaha Daacish fariisimaha u aha, iyadoo maamulka dagaalka adag uu kula jirto kooxda Daacish.
Isha ku haay HBN ONLINE TV