Ciidamada Difaaca Puntland ee ku sugan jeeda hore ee buuraha Cal-Miskaad ayaa sheegay inay la wareegeen God-weyn oo maalmihii la soo dhaafay ay gabaad ka dhiganaysay Daacish.
Puntland Ciidamadeeda ku sugan buuraha gobolka Bari ayaa sheegay inay dileen xubno ka tirsan kooxda, iyada oo qabsaday goobihii keydka u ahaa iyo hub.
“Ciidamada Difaaca Dowladda Puntland ayaa la wareegay God weyn oo maalmihii lasoo dhaafay ay gabaad ka dhiganaysay argagixisada Daacish. ciidamada ayaa soo bandhigay meydad, hub, raashin iyo diyaarado Drone ah oo ay ka qabsadee” ayaa lagu yiri warka ciidamada Puntland.
Dagaalka u dhexeeya Ciidamada Puntland iyo Daacish oo muddo bil ku dhow ka socda gobolka Bari ayaa waxyaabaha laga diwaan galiyey waxaa ka mid ah in kooxdu Drones muuqaalada lagu duubo u isticmaashay duqeyn iyo in ajaaniibtii ugu badneyd safka hore ee dagaalka ay ku jireen.
Tan iyo 31-kii December ee sanadkii hore Daacish ayaa wajaheysa dagaal cir iyo dhul ah oo ciidamada Puntland ku hayaan fariisimaha kooxda ee buuraha Cal-miskaad.
HBN ONLINE TV