Hay’adaha Amaanka Somaliland madax ka socota oo gaaray magaalada Jigjiga ee caasimadda dowlad deegaanka Somaliland ayaa kulan looga hadlayey xaaladda dagaalkii adkaa ee shalay ka dhacay Dacawaley waxaa ay kula qaatay saraakiisha Itoobiya ee deegaanka.
Taliyeyaasha Ciidamada Booliska, Militariga iyo Sirdoonka Somaliland ayaa warbaahinta gudaha soo tabisay inay kula kulmeen Magaalada Jigjiga Taliyaha Ciidanka Booliska Itoobiya iyo Taliyaha Ciidanka Milatariga Itoobiya ee Aagga Bari.
Saraakiishan Ciidan ayaa ka wada hadlay in maamulada ka shaqeeyaan nabadaynta dadkii ay wax kala gaareen iyo in dadka dagaalku barakiciyay ay dib ugu soo noqdaan goobahoodii laga saaray.
Sida oo kale waxaa intaasi lagu daray in la isku fahmay in baaritaan rasmi ah in laga sameeyo dad la sheegay in la tuhunsan yahay inay aasaas u ahaayeen sida hadalka loo dhigay dhacdaadii Dacawaley.
Dhanka kale, Qoraal kooban oo ka soo baxday maamulka deegaanka Soomaalida ayaa lagu carrababaay in dhinacyada isku fahmeen xal u helidda dagaalka.
“Waxaa is-afgarad kusoo dhamaaday shirkii ay kujireen masuuliyiinta labada dhinac ee Somaliland iyo Dawladda Deegaanka Soomaalida” ayaa lagu yiri fariinta oo la soo dhigay bogga TV-ga deegaaka.
Somaliland ayaa sheegtay in dagaalkii shalay ka dhacay deegaanka Dacawaley ee gobolka Xarshin ay ciidamada deegaanka Soomaalida ee Liyuu Boolis ay u geysteen xasuuq shacabka halkaasi ku noolaa.
Dadkii ku dhintay dagalkii ka dhacay deegaanka Dacawaley ayaa maanta lagu aasay Balli gubadle, iyada oo ka hor aasidda janaasada lagu la tukaday deegaanka.
HBN ONLINE TV