Dagaal xooggan ayaa ka socda magaalada Ceerigaabo ee gobolka Sanaag, kaasi oo u dhexeeya Ciidamada Somaliland iyo xubnaha hubaysan oo lala xiriirinayo SSC-Khaatumo.
Wararka ayaa sheegaya in dagaalku uu ka socdo magalada Gudaheeda, kaasi oo sababay khasaare dhimasho iyo dhaawac leh.
Dagaalka lama oga waxa sababay, balse dhinacyada dagaalamaya ayaa dad goobjoogayaal ah sheegayaan inay isku heystaan cida maamuleysa gacan ku heynta magaalada.
Muuqaalo ku baahay baraha Buslahada ayaa muujinaya gaadiid dagaal oo qoryaha culus saaranyihiin oo rasaas furaya, Rag sita hubka garbaha laga rido oo aan wax labis ciidan wadan iyo jug culus oo si teelteel ah loo maqlayo.
Ilo wareegyo qaar ayaa sheegay in dagaalka uu sii xoogeysanayo, kaasi oo laga cabsi qabo in khasaaraha uu sii badiyo.
Dagaalka mar kale ka qarxay xarunta gobolka Sanaag ayaa ku soo aadaya xilli Madaxweynaha cusub ee Somaliland uu maalmo ka hor sheegey in uu nabad kula xaajoonayo dadka gobollada Sool & Sanaag.
Isha ku haay HBN ONLINE TV