Wasiirka Garsoorka iyo Arrimaha Dastuurka ee Xukuumadda Federaalka Soomaaliya, Xasan Macallin, ayaa magaalada Qaahira kulan kula qaatay dhiggiisa dalka Masar Mudane Cumar Marwaan.
Kulanka ayaa ahaa mid diiradda lagu saarayay sidii la isaga kaashan lahaa dhinacyada Cadaaladda, Sharciga iyo Garsoorka, iyadoo labada dowladoodba ay daneynayaan isku dubaridka howlahooda. Isdhaafsigan mira dhalka ah ayaa hoosta ka xariiqaya sida ay uga go’an tahay Masar iyo Soomaaliya inay kordhiyaan dadaalkooda iskaashi ee dhinacyada sharciga iyo garsoorka.
Kulankani waxa uu noqday fursad lagu garwaaqsado muhiimadda xiriirka taariikheed ee labada ummadood. Labada wasiir waxay xaqiijiyeen inay ka go’an tahay wanaajinta xiriirka walaaltinimo iyo sidii ay mustaqbalka uga wada shaqeyn lahaayeen iskaashi xooggan.
HBN NEWS DESK