Degmada Matabaan ee gobolka Hiiraan ayaa hadda waxaa ka socda dagaal u dhaxeeyey koox qaab qabiil u abaabulan & ciidamada Booliska.
Khasaaraha ka dhashay iyo waxa sababay lama oga, balse dagaalka ayaa la soo sheegayaa inuu saacad ku dhawaad uu ka socdo degmada, iyada oo koox gadoodsan oo qaab qabiil u abaabulan ay dagaal toos la galeen ciidamada ammaanka degmada Matabaan.
Waxaa xirmay dhaqdhaqaaqii, waxaana la soo sheegay in lagu kala cararay Magaalada markii dagaalku bilowday.
Matabaan ayaa ku taala wadada istiraatiijiga ah ee isku xirta Koonfurta, Bartamaha iyo Waqooyga dalka, taasi saameyn ku leh dhaqaaqa ganacsiga iyo isku socodka.
Laamaha ammaanka maamulka Hirshabeelle weli kama hadlin dagaalkan maanta ka socda Mataan iyo khasaaraha ka dhashay.
Isha ku haay HBN ONLINE TV