Taliska Howlgalka Ciiidamada Puntland ee dagaalka adag kula jira Daacish ayaa shaaciyay in 24 saac ee la soo dhaafay ay ciidamadu ay soo rideen 12 Drone ah oo Daacish doonaysay inay adeegsadaan hab basaasnimo ah.
Ciidamada jiida hore ee Puntland ayaa qarxiyey 2 qarax oo ay doonaysay sida hadalka u dhigeen Daacish in ay ku dhibaateyso dadka deegaanka Cal-Miskaad.
“Ciidanku 24-kii saac ee u danbeeyay waxay soo rideen 12 Drone oo ay Argagixisadu isku dayday in ay isticmaasho, sidoo kale waxaa la qarxiyey Labo qarax oo Daacish ugu talagashay in ay ku dhibaatayso dadka deegaanka calmiskaad” ayaa lagu yiri warka.
Puntland ayaa xalay sheegtay diyaaradaha Drones-ka ah ee ay soo rideen in lagu xiray walxa qarxa, kuwaa oo ciidamadoodu ka hor tageen ka hor inta aanay gaarin bartilmaameedkii lala damacsanaa.
Soomaaliya Waa markii horeysay ee kooxaha ka dagaalama u adeegsadeen dagaal in la isticmaalo diyaaradaha Drones ah oo walxa qarxa lagu soo raro.
HBN ONLINE TV