Munaasabad ay bahda Isboortiga Soomaaliyeed ku faani karaan ayaa Madaxweyne Xasan Sheekh Maxamuud waxa uu Abaalmarintii ugu sareysay ee Isboortiga guddoonsiiyay C/llaahi Jaamac Maxamed, isagoo ku muteystay guulihii la taaban karo ee uu ka soo hooyay Orodka 5000 ee mitir ee Ciyaaraha 13-aad ee Afrika oo lagu qabtay Accra. Ku guuleysiga billadda qalinka ah ee C/llaahi ma ahan oo kaliya sharaf u soo hoyatay Soomaaliya balse waxay tusaale u tahay dadaalka iyo kartida ay ciyaartooyda Soomaaliyeed ku leeyihiin masraxa caalamiga ah.
Madaxweyne Xasan Sheekh Maxamuud ayaa abaal-marintii ugu sareysay ee Isboortiga dalka ku guddoonsiiyay C/llaahi Jaamac Maxamed “waxaa ay hoosta ka xariiqday muhiimadda waxqabadkiisa iyo saameynta ay ku leedahay sare u qaadista sharafta ciyaaraha fudud ee Soomaaliya” ayey tiri Madaxtooyadu.
C/llaahi Jaamac Maxamed oo ka qeyb galay tartankii 13-aad ee Afrika ee ka socda magaalada Accra ayaa ku soo idlaaday bilad qalin ah oo uu ku tartamay 5000 mitir.
HBN SPORTS DESK