Dowladaha Soomaaliya iyo Sacuudiga ayaa si rasmi ah magaalada Riyadh ugu kala saxiixday heshiis dhameystiran oo dhanka ammaanka ah. Heshiiska ayaa ujeedadiisu tahay in sare loo qaado iskaashiga amniga ee labada dal, iyadoo xoogga la saarayo dhinacyada muhiimka ah sida ka hortagga argagixisada, wadaagga sirdoonka, iyo horumarinta guud ee amniga.
Wakiilo ka kala socday Wasaaradda Arrimaha Dibadda iyo Iskaashiga Caalamiga ah ee Soomaaliya iyo Wasaaradda Arrimaha Gudaha Sacuudiga ayaa si rasmi ah heshiiska u meelmariyay, iyagoo xoojinaya ka go’anaanshaha xoojinta xiriirka iyo xoojinta danaha amni ee labada dhinac.
Heshiiskani waxa uu diyaar u yahay in uu xoojiyo qaab-dhismeedka amniga ee Soomaaliya iyo Sucuudiga, isagoo bixinaya madal iskaashi si wax looga qabto caqabadaha amniga gobolka si wax ku ool ah. Munaasabadda lagu saxiixay heshiiskan oo ka dhacday magaalada Riyaad ayaa waxaa goob joog ka ahaa mas’uuliyiin sarsare oo ka kala socday labada dal oo ay ka mid ahaayeen Wasiirka Arrimaha Dibadda Soomaaliya Abshir Cumar Jaamac iyo Wasiirka Arrimaha Gudaha Sacuudiga, Hines Abdulaziz bin Saud Al Saud.
Wasiirada ayaa hoosta ka xariiqay muhiimada heshiiska, iyadoo Wasiirka Arrimaha Dibadda Soomaaliya uu carabka ku adkeeyay in tani ay muujineyso bog cusub oo u furmay xiriirka Soomaaliya iyo Sacuudiga.
Heshiisku waxa uu ka tarjumayaa sida ay uga go’an tahay xasilloonida gobolka, waxana uu hoosta ka xariiqayaa go’aanka ah in wax laga qabto caqabadaha amniga ee sii kordhaya iyada oo loo marayo dadaallo wadajir ah.
HBN NEWS DESK