Shil Dhimasho iyo dhaawaca arday sababay ayaa maanta ka dhacay magaalada Hargeysa, sidas ay sheegeen Ciidamada dab-damiska ee Somaliland.
Gabar yar oo ardayad ah ayaa ku geeriyootay shilka, halka 9 kale oo arday ah ay ku dhaawacmeen shil baabuur oo ka dhacay afaafka hore ee iskuulka Faarax Oomaar ee magaalada Hargeysa.
Ciidanka Dabdemiska Somaliland oo si degdeg ah goobtaa shilku ka dhacay ugu gurmaday ayaa sheegay in dhaawicii iyo Maydka gaarsiiyeen Isbitaalka weyn ee magaalada Hargeysa.
Gaariga shilka galay oo Bas ah ayaa muuqaalo ay ciidamada dab-damiska ah ka soo duubeen waxaa uu muujinayaa burbur weyn oo soo gaaray.
Laamaha ammaanka Somaliland ayaa ku wargaliyey darwalada in xawaaraha ay dhimaan gaadiidka, marka ay marayaan goobaha caruurta sida dugsiyada oo kale.
HBN ONLINE TV