Madaxweynaha Puntland Siciid Cabdullaahi Deni oo booqday isbitaalka ay yaalaan Ciidamadii ku soo dhaawacmay dagaalkii saaka Kooxda Daacish ku soo qaaday deegaanka Dharjaale ayaa bogaadin iyo guubaabo u jeediyey qaabkii ay wajaheen dagaalkaasi.
Puntland madaxtoyadeeda ayaa sheegay in uu ku amaanay ciidamada dhaawac ah sida hadalka loo dhigay nafhurnimadooda iyo geesinimadooda, taasi oo maamulka guul kaga gaaray dagaalkii ay ku wajaheen xubno ajaaniib Daacish oo soo weeraray Ciidamada jiida hore.
Deni oo garab istaag u muujiyey ciidamada dhaawaca ah ayaa la sheegay in uu faray Guddiga taakuleynta iyo daryeelka in ay si dhow ula socdaan xaaladda ciidamada.
Weerarka saaka lagu soo qaaday Ciidamada Puntland ayaa noqonaya bilow suurtgal ka dhigi kara inay wajahaan kooxda Daacish oo la sheego inay u dagaalamaan ajaaniibta ugu badan.
Maamulka Puntland ayaa todobaadyadii ugu dambeyey waday guluf ka dhan ah kooxaha loogu yeero Argagixisada ee ka dalaama buuraha gobolka Bari, halkaa oo sida la tuhunsan yahay u noqontay saldhigooda ugu weyn ee Soomaaliya.
HBN ONLINE TV