Madaxweyne ku xigeenka kenya Rigathi Gachagua ayaa dalbaday in Agaasimaha Guud ee Hay’adda Sirdoonka Qaranka ee Nuuradiin Haji uu xilka ka dago si uu ugu gogol xaaro Agaasime Guud oo tayo leh.
Isagoo saxaafadda kula hadlayay magaalada Mombasa, oo u muuqada mid kacsan ayaa ku eedeeyay Hey’adda Sirdoonka inay mas’uul ka tahay dibadbaxyada dowladda looga soo horjeeday ee dhacay kuwaasoo uu sheegay inay sababeen dhimasho iyo burbur.
In kasta oo madaxweyne William Ruto uu ka laabtay sababta keentay oo bannaanbaxa taasoo aheyd canshuuraad dheeri ah oo lagu kordhiyay dadka deggan Kenya, isagoo sheegay in la laalay sharciga maaliyadda ee 2024-ka ee muranka dhaliyay ee ka dhashay dibad-baxyo dalka oo dhan ah, Gachagua ayaa sheegay in Agaasimaha Guud ee Hay’adda Sirdoonka uu ku guuldareystay waajibaadkeedii ahaa in ay ku wargeliyo madaxa gobolka xaaladda ka hor inta aysan muwaadiniintu u soo bixin waddooyinka.
Sida uu sheegay madaxweyne ku xigeenku, Nuuradiin markii uu qabtay xilka ee Agaasimaha Guud ee Hay’adda Sirdoonka waxa soo foodsaaray hoos-u-dhac maadaama uu mar sarkaal hoose ka ahaa isla hay’addaas ka hor inta aan loo dallacin kaalintiisii hore ee Agaasime.
Majiro wax war ah oo ka soo baxay Agaasimaha Guud ee Hay’adda Sirdoonka Kenya uu kaga jawabayo eedda loo jeediyay in uu xilka iska casilo.
HBN NEWS DESK