Faah faaahino dheeraad ah ayaa ka soo baxaya dagaal khasaare geystay oo saaka ku dhexmaray Alshabaab iyo Ciidamada Dowladda Soomaaliya deegaan ka tirsan gobolka Jubbada Hoose.
Dagaalka oo muddo kooban ka socday deegaanka Janaay Cabdalle ayaa la sheegay in khasaare dhimasho iyo dhaawac ah uu ka dhashay, iyada oo dowladda Soomaaliya ka sheegatay in guulo ay ka gaartay.
Ciidamada dowladda ee howlgalkan ka fuliyey deegaanka Janaay Cabdalle iyaga iyo Daraawiishta Jubbaland ayaa sheegtay in ay dileen 5 ka tirsan kooxda Alshabaab.
Dhanka kale, ciidamada Daraawiishta guutada labaad oo ay soo xiganeyso wakaaladda wararka Soomaaliya ayaa sheegtay in la soo afjaray koox ka tirsan Alshabaab oo sida ay tilmaantay doonaysay in ay dhibaateeyaan dadka deegaanka.
Ciidamada xoogga dalka iyo Daraawiishta Jubbaland ayaa dhawanahaaan howlgallo balaaran ka waday deegaanno badan oo dhaca gobolka Jubbada Hoose.
HBN ONLINE TV