Wararka ka imaanaya gobolka Mudug ayaa sheegaya in dagaallo culus ay dib uga qarxeen labo maleeshiyo beeleed, waxana la soo baxaya warar kala duwan. Xiisada soo cusboonaatay, ayaa hadda ka taagan deegaannada galbeedka gobolkaasi, halkaas oo maalmo ka hor uu ka bilaawday dagaal dhaliyay dhimasho & dhaawac.
Deennada lagu dagaallamay ayaa kala ah: Jiicboor, Saxo-Qurun iyo Meygaagta, ee ka tirsan gobolka Mudug. Colaada ayaa sameeyn tabban ku yeelatay isku socodka gaadiidka iyo dadweynaha.
Dagaalka xoogan ee ka dhashay muran dhul daaqsimeed ayaa la sheegay in labada dhinac ay heleen gurmadyo kala duwan. Ilo deegaanka ah ayaa ku tilmaamay xaalada mid faraha ka baxday, maadaama dagaalka la isku adeegsaday hubka noocyadiisa kala duwan. Waxaa lagu soo waramayaa in ku dhawaad 20 ruux ay ku dhinteen oo labada dhinac ah, halka tiro intaas ka badana ay ku dhaawacmeen, inkastoo aan la xaqiijin karin tirada rasmiga ah, maadaama wali xiisadu ay taagan tahay.
Gobollada dhexe ee dalka Soomaaliya ayaa waxaa hareeyay colaado isir ku saleysan, waxaana ka dhashay khasaare ballaaran. Dagaalladan ayaa ah kuwo isdaba joog ah, inkastoo ay weli ka socdaan deegaannada Galguduud iyo Mudug howlgallada ka dhanka ah Al-shabaab, kuwaasoo ay ka qayb-qaadanayaan ciidamada xoogga dalka iyo kuwa deegaanka ee loo yaqaan Macwsleyda.
Inta uu dagaalku socdo ayaa xaaladda gobolka Mudug ayaa ah mid kacsan oo aan degganayn, taas oo muujinaysa xaaladda ammaan xumo iyo dhaq-dhaqaaqyada cakiran ee colaadaha gudaha Soomaaliya.
HBN NEWS DESK