Golaha Wasiirada Maamul Goboleedka Puntland ayaa cod aqlabiyad leh ku ansixiyey miisaaniyadda nus dhamaadka sanadka ama lixda bilood ee (June-December 2024).
Kulan ka dhacay xarunta Madaxtooyada Puntland ee magaalada Garoowe uuna shir gudoomoominayay Madaxweynaha Puntland Siciid Cabdullaahi Deni,ayaa looga dooday miisaaniyadda ay soo gudbisay Wasaarada Maaliyadd taasi oo dhan $207, 009, 112 (laba Boqol & todobo milyan sagaal kun Boqol laba & toban doolar), waxayna korortay 10% marka la barbardhigo lixda bilood ee hore ee (January ilaa June 2024).
Dhinaca kale kulankaasi ayaa waxaa looga hadlay Amniga , Geedi-socodka Doorashooyinka Golaha Deegaanka & Illaalinta Deegaanka.
Kulankaasi ayaa waxaa booqasho sharafeed ku yimid kooxda kubadda cagta ee Homboboro oo ku guulaysatay koobkii horyaalka naadiyada Puntland ee ay ku guuleysteen.
Warqabadka HBN Online TV