Weeraryahanka Barcelona Robert Lewandowski ayaa beeca xorta ah uga tagi kara kooxda heysata horyaalka La Liga sanadka 2025 sababo la xiriira qodob ka mid ah qandaraaskiisa.
Ka dib sideed sano oo taariikhi ah oo uu ku sugnaa Bayern Munich, Lewandowski go’aansaday waqtigiisii xirfadiisa ciyaareed ee kooxda heysata horyaalka Jarmalka si uu ugu biiro Barca € 45 milyan (£ 38.6m).
35-sano jirkaan ayaa xilli ciyaareedkiisii ugu horreeyay ee Camp Nou wuxuu ahaa mid guulo heer sare ah gaaray, isagoo dhaliyay 23 gool oo La Liga ah, waxuu ka caawiyay Barcelona inay ku guuleysato horyaalka, waxaana guud ahaan ololahan uu dhaliyay 33 gool.
Inkasta oo ay jiraan walaacyo dhaqaale oo si fiican loo diiwaangeliyay, haddana Barcelona ayaa lagu soo waramayaa inay ogolaatay inay kordhiso mushaharka Lewandowski xilli ciyaareed kasta oo uu matalo kooxda reer Catalonia, taasoo ka bilaabmaysa mushahar dhan 20 milyan oo Yuuro (£17.2m) 2022-23.
Sport ayaa sheeganeysa in Barcelona ay joojin karto qandaraaska weeraryahanka 2025 shuruudo gaar ah.
Warbixinta ayaa sheegeysa in La Blaugrana ay joojin karto qandaraaskiisa haddii uusan ciyaarin ugu yaraan 45 daqiiqo 55% kulamadooda xilli ciyaareedka 2024-25, kaasoo noqon doona sanadka ugu dambeeya ee qandaraaskiisa.
HBN SPORTS DESK