Paul Kagame ayaa la xaqiijiyay in uu ku guuleystay doorashada madaxtinimada dalka Rwanda, kaddib markii uu helay 99.15 boqolkiiba codadkii la dhiibtay.
Kagame ayaa ku guuleystay in ka badan 93% codadkii la dhiibtay seddexdii doorasho ee hore. Siddeed musharrax ayaa codsaday in ay isaga la tartamaan, balse labo kaliya ayaa ku haray liiska ugu dambeeya ee guddiga doorashada uu ansixiyay.
Kuwa kale, oo ay ku jiraan mucaaradka ugu afka dheer Kagame, ayaa loo diiday sababo kala duwan oo ay ku jiraan dembiyo horay loogu xukumay.
Xarunta codbixinta ee Rwandexco ee caasimadda Kigali ayaa dadku waxa ay bilaabeen safaf 90 daqiiqo ka hor inta aan la furin goobaha cod bixinta.
Codbixiye Barimukije Pheneas ayaa sheegay in uu doortay in uu dib u doorto Kagame oo lagu ammaanay dib u dhiska dalka ka dib xasuuqii 1994-kii isagoo mudnaanta siinaya horumarka iyo hirgelinta adeegyo bulsho oo waxtar leh.
“Waxaan u codeynay si habsami leh iyadoo aysan jirin dad badan, waana ku faraxsanahay,” ayuu yiri Pheneas. “Waxaan u codeeyay Paul Kagame sababta oo ah wax badan ayuu noo soo qabtay, wuu na mideeyay.”
Kagame ayaa la tartamayay labo musharax oo kale oo kala ah Frank Habineza iyo Philippe Mpayimana, kuwaas oo iyagana kula tartamay doorashadii ugu dambeysay ee 2017-kii.
HBN ONLINE TV