Madaxweynihii hore ee maamulka Hirshabeele Maxamed Cabdi Waare sidoo kalana kamid ahay lataliyaasha madaxweynaha Soomaaliya, ayaa loo magacaabay Ku-Xigeenka Xoghayaha Guud ee IGAD, sida ay shaacisay Wasaaradda Warfaafinta Soomaaliya.
Wasiirka Warfaafinta Soomaaliya Daa’uud Aweys oo xaqiijiyay Magacaabistaan ayaa yiri “waa Guul kale oo diblomaasiyadeed oo u soo hoyatey Dowladda Federaalka Soomaaliya. Magacaabistiisa Waare waxay sare u qaadeysa sumcadda iyo maqaamka Soomaaliya ay ku leedahay gobolka iyo guud ahaan caalamka’.
Waare ayaa horay u ahay Ergayga gaarka ah ee madaxweynaha u qaabilsanaa Xasillinta iyo Ilaalinta Arrimaha Rayidka ee goobaha dagaallada, balse haatan waxaa uu kamid noqday howlwadeennada urur goboleed IGAD.
HBN NEWS DESK